Հուշում 1. Որպեսզի սոցիալական կայքերում արված գրառումների դեմ չբողոքեն որպես օգտատերերին ապակողմնորոշող տեղեկատվություն, անհրաժեշտ է ստուգել ունեցած տեղեկությունը առնվազն երկու անկախ աղբյուրներում և հավասարակշռված լուսաբանում ապահովել։

Հուշում 2. Դպրոցի ղեկավարությունը մեկ այլ անկախ աղբյուր է, որի միջոցով անհրաժեշտ է ստուգել ծնողի տրամադրած տեղեկատվությունը։

Հուշում 3. Բոլոր ծնողները չէ, որ ունեն նույն կարծիքը, հետևաբար, կարևոր է նաև ներկայացնել նաև այն ծնողների կարծիքները, որոնք համաձայն են դպրողի կայացրած որոշմանը։

Հուշում 4. Բոլոր մեկնաբանությունները չէ, որ ուշագրավ են։ Լրատվամիջոցի կողմից ամենաճիշտ քայլը կլինիոչ հանրային անձանց կողմից արված ատելության խոսք պարունակող մեկնաբանություններն անտեսելը։ Դուք պետք է միայն նշեք, որ ոցիալական կայքում կատարված գրառման ներքո արված մեկնաբանությունների մի մասը ատելություն էր հրահրում։

Հուշում 5. Ցանկալի է նաև փորձել լսել միգրանտ ծնողների կարծիքը՝ նրանց թողարկման օբյեկտից սուբյեկտի վերածելու նպատակով։

Հուշում 6. Փաստ ասելով հասկանում ենք մի բան, որը պետք է ստուգվի և հիմնված լինի կոնկրետ ապացույցների վրա։ Կարծիքը, սակայն, կոնկրետ անձի տեակակետը կամ համոզմունքն է։

Հուշում 7. Մի լուսաբանեք մեկնաբանություններ, որոնք կարծրատիպերն ամրապնդում են այն կարծրատիպը, որ բոլոր միգրանտները մուսուլման են, իսկ բոլոր մուսուլման միգրանտները՝ ահաբեկիչ։ Դրանով դուք կնպաստեք ատելության սերմանմանը:

Հուշում 8. Փախստական երեխաների ծնողների մեկնաբանությունը ներառելով՝ կապահովեք համակողմանի եւ ներառական լուսաբանում։

Հուշում 9. Դպրոցի որոշումը քննադատող ծնողը պատմության կողմերից մեկն է, եւ նրա դիրքորոշումը պետք է լուսաբանվի. սակայն, խորհուրդ է տրվում վերաձևակերպել վերջինիս՝ ատելության խոսք պարունակող մեկնաբանությունը։

Հուշում 10. Ծնողները միատարր չեն եւ ոչ բոլորն են միգրանտների նկատմամբ բացասական վերաբերմունք արտահայտում։ Հետեւաբար, տարբերվող դիրքորոշում ունեցող ծնողների կարծիքը նույնպես պետք է ներկայացվի։

Հուշում 11. Փախստականի կարգավիճակ տրվում է օտարերկրյա քաղաքացուն կամ քաղաքացիություն չունեցող անձին, որը, ունենալով ռասայի, կրոնի, ազգության, որոշակի սոցիալական խմբին պատկանելության կամ քաղաքական դիրքորոշման պատճառով հալածանքի ենթարկվելու հիմնավոր մտավախություն, գտնվում է իր երկրից դուրս։

Հուշում 12. Ի տարբերություն փախստականի, ներքին տեղահանված անձ է համարվում այն անձը, որը ստիպված է եղել փախչել իր տնից, բայց շարունակում է ապրել իր երկրի սահմաններում։

Հուշում 13. Ճիշտ չէ բոլոր օտարերկրացիներին անվանել «անլեգալներ», քանի որ այդ տերմինը վերաբերում է միայն նրանց, ովքեր խախտում են երկիր մուտք գործելու ընթացակարգերը, կամ այլեւս իրավունք չունեն այդ երկրում մնալ: Չի կարելի նշել անձի կրոնական կամ այլ ինքնությունը, եթե դա էական չէ թողարկման համար եւ կարեւոր է թեմայի էությունը հասկանալու համար։

Հուշում 14. Միգրանտն այն անձն է, որ տեղափոխվում է երկրից երկիր՝ իր նյութական և սոցիալական պայմանները բարելավելու, ինչպես նաև իր կամ իր ընտանիքի զարգացնելու համար կատարելագործելու համար։

Հուշում 15. Վերնագրում մի օգտագործեք այնպիսի մեջբերում, որը անհանդուրժողականություն է առաջացնում տարբեր ինքնություն ունեցող մարդկանց դեմ։ Ժխտողականությանը և կոնֆլիկտներին միտված սենսացիոն վերնագրի փոխարեն ընտրեք չեզոք տարբերակ։

Հուշում 16. Միայն մեկ ծնողի մեկնաբանությունն ընդհանրացնելը և այն որպես բոլոր ծնողների դիրքորոշում ներկայացնելն ապակողմնորոշող է և խախտում է ճշգրտության և անկողմնակալության սկզբունքը։

Հուշում 17. Ցուցաբերեք ծայրահեղ զգուշավորություն լուսանկար ընտրելիս, քանի որ հարցը վերաբերում է երեխաներին: Ավելի լավ է ընտրել ընդհանուր լուսանկար, որտեղ կոնկրետ անձինք չեն կարող նույնականացվել: Խուսափեք այնպիսի տեսողական նյութից, որն արտացոլում է կրոնական ինքնությունը եւ ուղղակիորեն կամ անուղղակիորեն կապված չէ տվյալ թեմայի հետ: